របៀបសំពះខ្មែរKHMER SALUTATION ខែ មីនា 10, 2008
Posted by ផ្កាយNovels in វប្បធម៌ប្រពៃណី.trackback
ដោយសង្កេតឃើញថា ក្នុងសង្គមខ្មែរយើងបច្ចុប្បន្ន ការធ្វើគារវកិច្ចគោរពគ្នាទៅវិញទៅមក បានប្រាសចាកពីគុណធម៌ គុណតម្លៃ និងរបៀបបែបបទដ៏ល្អផូរផង់ របស់ដូនតាខ្មែរ ទើបខ្ញុំលើកយករបៀបសំពះខ្មែរមកចុះផ្សាយនៅទីនេះ ដោយសង្ឃឹមថាកូនខ្មែរគ្រប់រូបនឹងពេញចិត្ត ហើយយកទៅអនុវត្តតាម។ ប្រការម្យ៉ាងទៀត ខ្ញុំសង្កេតឃើញថា មិនត្រឹមតែពិធីករពិធីការិនីខ្មែរ តាមទូរទស្សន៍តែប៉ុណ្ណោះទេ សូម្បីតែថ្នាក់ដឹកនាំខ្មែរ ក៏សំពះមិនបានត្រឹមត្រូវដែរ គឺធ្វើឡើងទាំងច្រងេងច្រងាង ដូចប្រញាប់ទៅស្លាប់ឯណាអ៊ីចឹង!!!
សំពះខ្មែរSAMPEAH
ខ្មែរលើកដៃសំពះ ដោយលើកដៃទាំងពីរ ផ្គុំគ្នាជារាងក្រពុំឈូក ដោយសារប្រជាជនខ្មែរ គោរពប្រតិបត្តិព្រះពុទ្ធសាសនា។
The Khmer show of salutation or mutual recognition is to raise both hands, join palm to palm, like the lotus.
សំពះកម្ពស់ត្រឹមដើមទ្រូងCHEST
មនុស្សដែលមានវ័យ ឬបុណ្យសក្តិស្មើគ្នា ឬជាមិត្តភក្តិ គេគប្បីលើកដៃសំពះគ្នាទៅវិញទៅមក ដោយដាក់ដៃត្រឹមដើមទ្រូង។
People of the equal age or friend or rank ought to respect each other by placing the budding lotus hands at the chest.
សំពះកម្ពស់ត្រឹមមាត់MOUTH
អ្នកដែលមានឋានៈតូច ឬអាយុតិច សំពះអ្នកដែលមានឋានៈខ្ពស់ ឬអ្នកមានអាយុ ច្រើនជាង គប្បីលើកដៃប្រណមដោយចុងម្រាមនៅត្រឹមមាត់ ឯអ្នកដែលមានឋានៈខ្ពស់ឬអាយុច្រើន ត្រូវសំពះតបវិញដោយប្រណមដៃកម្ពស់ដើមទ្រូង។
A younger person or lower in rank ought to respect an older person or higher in rank by placing the budding lotus hands at the mouth.
សំពះកម្ពស់ត្រឹមចុងច្រមុះNOSE
កូនសំពះឪពុកម្តាយ ចៅសំពះយាយ សិស្សសំពះគ្រូ គប្បីលើកដៃឡើង ហើយដាក់ម្រាមដៃត្រឹមចុងច្រមុះ។
Children and grandchildren or students to respect their parents and grandparents or teacher by placing the budding lotus hands at the nose.
សំពះកម្ពស់ចិញ្ចើមEYEBROW
សម្រាប់ថ្វាយបង្គុំព្រះសង្ឃ វត្ថុសក្តិសិទ្ធ ថ្វាយបង្គុំព្រះមហាក្សត្រ។
ខ្លឹមសារសង្ខេប
- កម្ពស់ដើមទ្រូងៈ សម្រាប់វ័យ ឋានៈស្មើគ្នា ឬមិត្តភក្តិ
- កម្ពស់មាត់ៈ វ័យចាស់ជាង ឋានៈធំជាង ឬចៅហ្វាយ
- កម្ពស់ច្រមុះ: មាតាបិតាជីដូនជីតា ឬគ្រូបាអាចារ្យ
- កម្ពស់ចិញ្ចើមៈ ព្រះមហាក្សត្រ ព្រះសង្ឃឬវត្ថុសក្តិសិទ្ធ
- កម្ពស់ចិញ្ចើមឡើងលើៈ ទេវតា ព្រះឥន្ទព្រះព្រហ្ម ឬបួងសួង។
សូមអរគុណចំពោះការនាំស្នើររសំពះបែបខ្មែរនេះ។
ជាតិនឹងរំលំព្រោះបាត់បង់នូវទំនៀមប្រពេណៃ។
i would like to know how to salute in khmer
please let me know also
High respect from me
ភាគិតដូចផ្កាយដែរមិនមែនត្រឹមតែពួកអាយវីទេដែលត្រូវចេះពីលក្ខណះ
សំពះរបស់ខ្មែរគឺគ្រប់គ្នាទាំងអស់អោយតែជាប់សាត់សាលោហិតជា
ខ្មែរត្រូវតែចេះពីរបៀបសំពះនេះ។ផ្កាយភាសូមអរគុណដែលផ្កាយមាន
មានះសិការដ៏ល្អមួយសំរាប់ភានឹងកូនខ្មែរគ្រប់រូបអោយបានជា្រប
ពីរបៀបសំពះរបស់ខ្មែរទាំងអស់គ្នា។
ភាសូមបញ្ចប់តែត្រឹមនេះហើយព្រោះពេលនេះម៉ោង2:00 at night
ហើយ។
ចុះមានទៅឆ្អី!
មានតែអរគុណសួស្តីទៅវិញទេ ដែលខំពាំនាំចំណេះដឹងនេះ យកទៅចែកចាយឲ្យកូនខ្មែរបានយល់។
ឲ្យតែខ្មែរគ្រប់រូបបានយល់បានស្គាល់ ពីអ្វីដែលហៅថាខ្មែរច្បាស់នោះ ខ្ញុំសប្បាយចិត្តណាស់ទៅហើយ។
បើមិនប្រកាន់ទេ ខ្ញុំសុំអត្ថបទនេះ យកទៅចែកកូនខ្មែរផ្សេងៗអាននៅទំព័រមួយ។ អរគុណទុកជាមុន។
ល្អណាស់បង អាចផ្កាយ មានបងមួយ គ្រាន់ជួយដាស់តឿន ឬជាកៀរគរឲ្យកូនខ្មែរយើង ចេះស្គាល់របស់ខ្លួនឯង ផង។ ចេះស្គាល់អំពីសីលធម៌ ចរិយាធម៌ ការគោរពគ្នាទៅវិញទៅមក។
ពេលបច្ចុប្បនេះ ក្មេងៗសម័យឥឡូវមិនសូវដឹងពីរបៀបនៃការសំពះពេល។ ចំពោះមនុស្សប្រុសវិញ ពូកែខាងចាប់ដៃគ្នាតាមបែបពួកមច្ចឹមប្រទេស ប្រហែលជាវាស្រួលជាងមើលទៅ? យើគួរតែរក្សាពីរបៀបនៃការសំពះនេះ ខ្ញុំតែងឃើញ ពេលពួកបរទេសជួនខ្មែរយើង គឺពួកវាតែងតែសំពះយើងជារបៀបខ្មែរ តែជាយើងវិញចូលចិត្តទៅចាប់ដៃទៅវិញ៕ ទោះបីជួបបរទេសក៏ដោយ យើងគួរតែចាប់ផ្តើមសំពះ ដើម្បីបង្ហាញពីវប្បធម៌ខ្មែរ៕
ស្អីគេ បូរាណ វីអាយភី យ៉ាងម៉េច?
គ្រប់គ្នាគួរតែចេះរបៀបអស់ទាំងនេះ។
មិនមែនពួកវីអាយភីក៏ដោយ ឲ្យតែខ្មែរត្រូវតែចេះទាំងអស់គ្នាហ្នឹង!
ឃើញគ្នាខុសជួយកែទើបល្អ។
អូយ ច្រើនម៉េះ? ខ្ញុំអត់ចាំទេ សំណាងដែរខ្ញុំមិនមែនជាវីអាយភី កុំអីអាចម៏ផ្កាយចាប់កំហុសខ្ញុំងាប់ហើយ…