ស្នាមញញឹម…? ខែ មីនា 25, 2008
Posted by ផ្កាយNovels in អត្ថបទសាកល្បង.trackback
អ្នកញញឹម… ត្រជាក់… ប្រកបដោយលក្ខណៈគួរឲ្យគេទូទៅ ចង់ចូលជិត។ អ្នកសុភាព ស្ងប់និងស្ងៀម ស្លូតទូលាយ ជ្រៅនិងនឹង។ អ្នកតែងព្យាយាមសញ្ជឹង ថ្លឹងនិងគិតដោះស្រាយ រឿងរ៉ាវលំបាកវេទនាសព្វបែបយ៉ាងរបស់មនុស្ស។ អ្នកពិតជាមានមេត្តាធម៌ និងមនុស្សធម៌ដល់កំពូល បើអត់អ្វីបាយនិងអំបិលក៏បានដែរ ត្រង់ឲ្យធ្វើបាបគេ គឺមិនធ្វើទេ។
អ្នកលាចាកភពលោកយូរណាស់ហើយ តែឃើញនៅរស់ជានិច្ច។ ខ្ញុំស្រឡាញ់អ្នកណាស់… ហើយជនណាមានត្រចៀក ច្រមុះ មាត់ ថ្ងាស ចិញ្ចើម និងភ្នែកដូចអ្នក ជននោះខ្ញុំស្រឡាញ់រហូតខ្ញុំស្លាប់ ព្រោះបើមិនដល់ថ្នាក់ជាម្លប់ដ៏ត្រជាក់ដូចអ្នក ហោចណាស់ក៏ជននោះខំលះបង់ការធ្វើបាបគេសព្វបែបយ់ាង ហើយខំសាងសុខឲ្យអ្នកផងទាំងពួងបន្តិចបន្តួចដែរ។
អ្នកមិនជាប់ជំពាក់នឹងមាសពេជ្រ កែវកងស្រីស្នំឆ្វេងស្តាំ វិមានល្វឹងល្វើយ សេនាហែហម ឬពាក្យលើកតម្កើងហួសពិតជាដាច់ខាត… បើលោភក៏មិនលន់ដែរ គឺគ្រាន់តែជក់ចិត្តក្នុងការចង់ឲ្យគេគ្រប់គ្នាបានសុខ បានជា បានបាយ បានផ្ទះនៅ បានពេទ្យថែ បានជួបជុំក្រុមញាតិ និងឃ្លាតសង្គ្រាម ឃ្លាតទាត់ធាក់កាប់ចាក់ បង្ហូរឈាម ស្លាប់មុនអាយុប៉ុណ្ណោះ។
ជីវិតអ្នកមានប្រយោជន៍ណាស់ចំពោះផែនដី ហើយពេលនេះទៀត បើមិនបានធ្វើក៏បានត្រឹមខ្ញុំនិងគេឯទៀតខ្លះ ស្រឡាញ់អ្នកយ៉ាងស្មោះ នឹកអ្នកយ៉ាងស្មោះ និងដកចិត្តពីអ្នកពុំរួចនោះដែរ។ អ្នកអស់គ្រឿងសៅហ្មងពីក្នុងខ្លួនហើយ… អ្នកឈ្នះខ្លួនឯងហើយ… អ្នកជ្រះនិងថ្លាដូចទឹកច្រោះឬទឹកជ្រោះ ក្នុងពិភពលោកនេះ ពេលនេះមានគេថាអ្នកអាក្រក់កើតទេ មានជាងណាចេះតែងថ្មឲ្យល្អមុខដូចនេះទេ… ហើយពេលណាទើបធម្មជាតិផ្តល់លក្ខណៈឥតខ្ចោះឥតខ្ចកទាំងអស់នេះ ឲ្យមនុស្សទូទៅ?
ទាំងអស់គ្នាសាកល្បងទាយទៅមើល តើនេះជាស្នាមញញឹមអ្វី?
បាទ! គឺ ស្នាមញញឹមបាយ័ន។
នៅឱកាសក្រោយ ខ្ញុំនឹងផ្សាយពីអត្ថបទនេះ។
ស្នាមញញឹមលោកតាព្រហ្ម? រឺបាយ័នមុខបួន?
ដឹងទេសួស្តីថាស្នាមញញឹមតាព្រហ្ម គឺត្រូវ៩៩ភាគរយទៅហើយ តែមិនទាន់ចំអ្វីដែលខ្ញុំចង់បាន។
ឯបងរដ្ឋឆ្លើយ កាន់តែឃ្លាតឆ្ងាយទៅ វិញហើយ។
ស្រីភានិយាយដូចសរសេរចឹង កិកិ! អ! សរសេរដូចនិយាយ… ឈ្មោះខ្ញុំ មាន “ s” ដើម្បីស្រួលចំណាំផងទេ ហាហា ស្នាមនេះមិនមែន ស្នាមនោះមិនមែនមានតែស្នាមញញឹមអាចម៍ផ្កាយហ្នឹងឯង!
ស្នាមញញឹមនៃសន្តិភាព
ជិតត្រូវហើយ ខ្វះតែតិចទៀតទេ!
ស្នាមញញឹមនោះ ស្រាលស្រទន់ ហើយត្រជាក់ដូចសួស្តីថាចឹង។
មិនយូរមិនឆាប់ ខ្ញុំនឹងនិយាយឲ្យច្បាស់ពីស្នាមញញឹមនេះ។
ស្នាមញញឹមរបស់តាព្រហ្ម? ញញឹមស្រាល ស្រទន់ មើលទៅទាក់ចិត្តណាស់។
ឈ្មោះរបស់បងរដ្ឋមាន« s » ដោយសារគាត់រមាស់ខ្លាំងពេក
និយាយលេងទេ
គឺដោយសារត្រកូលគាត់ផ្តើមសរសេរដោយ «s» Sao Narath ។ ដឹងតែប៉ុណ្ណឹងទេ ចង់ដឹងបន្ថែមទាល់តែទុកឲ្យម្ចាស់គេមកឆ្លើយចុះ។
ស្នាមញញឹមនេះ បញ្ជាក់នូវសេចក្តីសន្តោស មេត្តា ករុណាដូចស្រីភានិយាយគឺត្រូវហើយ ស្នាមញញឹមនេះជាស្នាមញញឹមអ្វី? របស់អ្វីមួយ ឬបុគ្គលណាម្នាក់?
ផ្កាយសូមទោសដែលធ្វើអោយខកបំនងរបស់អ្នកអស់
រលីងទៅ។ខ្ញុំបានបើរបស់អ្នកជារៀងរាល់ថ្ងៃ។
ប៉ុន្តែខ្ញុំរកពេលមើលសឹងតែមិនទាន់ផងមួយណារត់ឆ្លើយឆ្លង
សំបុត្រជាមួយមិត្តភក្តិនៅសែនឆ្ងាយមួយណាទៀតខិតខំរៀន
នូវមេរៀនដែលលោកគ្រូបានដាក់អោយធ្វី។
ខ្ញុំមិនមែនបើកហើយចោលទេខ្ញុំបានឆ្លាតពេលបន្តិចមកក្រលេក
មើលរបស់អ្នកខ្លះដែលតែជាពេលដ៏ខ្លីបំផុត។
ផ្កាយអើយដឹងថាខ្្ញុំរវល់ណាស់គឺខ្ញុំរវល់បំផុតគឺនៅពេលថ្ងៃ។តែភាទំនេរនៅពេល
យប់ច្រើនជាង។
ឥឡូវភាសូមនិយាយអំពីការសរសេររបស់ផ្កាយឯងចុះណា។
ភាថាស្នាមញញឹមដ៏ត្រជាក់ប្រកបដោយមនុស្សទាំងពួងរិតតែចង់
ចូលជិតនោះគឹជាស្នាមញញឺម៖សូមកាត់បន្តិចពីសំដីរបស់Narathនារត្ន័មាន
ថែមSទៀតពិតជាចំលែកមែនខ្ញុំ។ស្នាមញញឹមផ្កាត្រកូនគឺជាស្នាមញញឺមម្យ៉ាង
ដែរបានធ្វើអោយមនុស្សចង់គយគន់មែនតែចំពោះភាវិញភាយល់ថា
ស្នាមញញឹមនោះគឺស្នាមញញឹមដែលពោរពេញទៅដោយការ
ស្រលាញ់អានិតមេត្តាករុណា។
ញញឹមដោយការពេញចិត្ត។ផ្កាយចេះនឹកឃើញសូរសំនួរមួយនេះ
ទៅកើត។តែក៏វាល្អម្យ៉ាងដែល។
សូមប្រាប់ភាផងណាថាស្នាមញញឹមនោះជាស្មាមញញឹមអ្វីតាមគំនិត
របស់ផ្កាយ។
សូមទោសណាផ្កាយដោយភាបានសរសេរច្រើនពេក។ភាថាភាមិន
ចង់សរសេរទេតែបើបានសរសេរហើយគឺវាច្រើនអញ្ចឹងឯង។
អូយ!យប់ណាស់ហើយភានៅតែមើលប្លក់របស់ផ្កាយទៀត។
ចង់មើលប្លក់ភា!ភាអោយមើលចុះតែសូមផ្តាំថាក្រោយពីបាន
អានប្លក់របស់ភាហើយសូមប្រាប់ភាផងណាថាវានៅខ្វះខាតត្រង់ណា។
សូមប្រាប់ទៅផ្កាយថាភាមិនពូកែខាងប្លក់នៅក្នុងWordPress
ភាចេះធ្វើតែក្នុងBlogger តែប៉ុណ្ណោះ។
OKសូមនិយាយតែប៉ុនហ្នឹងសិនហើយណាផ្កាយ។
ខ្ញុំដាក់អានេះផ្សាយពេលនេះខកបំណងជាខ្លាំង ព្រោះគ្មាននរណាចូលមកមើលសោះ។ ចង់ដឹងថានឬណាហ្ន៎… អាចគិតដល់ស្នាមញញឹមនេះដែរ?
ញញឹមផ្កាត្រកួន!!
ហេហេ ភូតឡិន!!