សាលាបង្រៀនផលិតភាពយន្តអាចនឹងកើតមានទេ? ខែ កក្កដា 1, 2008
Posted by អាចម៍ផ្កាយ in ដំណឹងផ្សេងៗ, ភាពយន្តវីដេអូ.trackback
ទន្ទឹមនឹងវិស័យភាពយន្តខ្មែរ កំពុងមានការធ្លាក់ចុះ និងមិនបានទទួលការគាំទ្រច្រើននោះ ក្រសួងវប្បធម៌និងវិចិត្រសិល្បៈ ដោយមានកិច្ចសហការជាមួយប្រទេសកូរ៉េ មានគម្រោងរៀបចំបណ្តុះបណ្តាលវិជ្ជាជីវៈផលិតខ្សែភាពយន្តមួយ នាពេលខាងមុខ។ លោកគង់ កន្ថារ៉ា ប្រធាននាយកដ្ឋានភាពយន្តនៃក្រសួងវប្បធម៌ បានឲ្យដឹងថាក្រសួងវប្បធម៌កំពុងតែខិតខំពង្រឹងកិច្ចសហការជាមួយប្រទេសកូរ៉េខាងត្បូងដើម្បីបង្កើតសាលាបណ្តុះបណ្តាល ជំនាញផលិតខ្សែភាពយន្ត សំដៅស្តារវិស័យភាពយន្តឡើងវិញ នៅពេលដែលគេមើលឃើញថា វិស័យសិល្បៈភាពយន្តខ្មែរ ហាក់ដូចជាដើរថយក្រោយអំពីគុណភាព។
លោកគង់ កន្ថារ៉ា បានឲ្យដឹងថា កាផលិតភាពយន្តខ្មែរនាឆ្នាំ២០០៨នេះ មិនមានការថយចុះទេ(ជាការពិតទេ?) តែគុណភាពហាក់ដូចជាមិនមានការប្រែប្រួលគួរឲ្យកត់សម្គាល់ឡើយ។ គិតពីខែមករា ដល់ ខែឧសភា ឆ្នាំ២០០៨នេះ មានខ្សែភាពយន្តចំនួន៧រឿង ដែលក្រសួងបានចេញទិដ្ឋាការ ដើម្បីដំណើរការផលិត ហើយគ្រាន់តែក្នុងខែមិថុនា នេះ ក្រសួងបានចេញច្បាប់អនុញ្ញាតឲ្យបង្កើតផលិតកម្មថ្មី រហូតដល់១២ផលិតកម្ម ក្នុងចំនោមផលិតកម្ម៥៦ ដែលកំពុងមានសកម្មភាពផលិតខ្សែភាពយន្តនិងខារ៉ាអូខេ។ (មានបងប្អូនណា បានទស្សនាភាពយន្តថ្មីៗ របស់ខ្មែរហើយឬនៅ? សូមជួយប្រាប់ផង!)
លោកបញ្ជាក់ថា កត្តាដែលនាំឲ្យវិស័យភាពយន្ត-វីដេអូខ្មែរ ធ្លាក់ចុះនិងមិនបានទទួលការគាំទ្រខ្លាំង គឺមកពី កត្តាដូចជា កត្តាបច្ចេកទេស ថវិការ និងបញ្ហាកម្មសិទ្ធិបញ្ញា ដែលគេលួចថតចម្លងធ្វើអាជីវកម្ម។ ចំពោះរោងភាពយន្តវិញគឺរហូតមកដល់ពេល នេះនៅសល់តែរោងភាពយន្ត ៤ប៉ុណ្ណោះសម្រាប់បញ្ចាំង មានរោងភាពយន្តលុច្ស (បញ្ចាំងតែរឿងថៃ) សុរិយា(ចំនួន២) នៅផ្សារទំនើបសុរិយា និងរោងភាពយន្តកាណាឌីយ៉ា។ ក្រៅពីនេះគេបានបង្វែរពីរោងភាពយន្ត ទៅជាក្លិបកំសាន្តអស់ហើយ។
សង្ឃឹមថាអ្វីៗ និងអាចដំណើរការទៅបាន ដូចគ្រោងទុក…
ដកស្រង់និងកែសម្រួលពី កាសែតកោះសន្តិភាព
រឿងថតថ្មី ភាគច្រើនបញ្ចាំងតែនៅរោងកុនសូរិយាប៉ុណ្ណោះ ទៀតសោតរោងកុនក៏ដូចជាអ្នកផលិតមានកម្សោយក្នុងការផ្សាយពាណិជ្ជកម្មណាស់ គឺដាក់បញ្ចាំងស្ងាត់ៗតែម្ដង (បែបគេដឹងខ្លួនថា វាគ្មានគុណភាព ឬផ្ដោតសំខាន់តែការថតដាក់ឌីវីឌីលក់នៅបរទេស) អ្នកណាដើរប៉ះចូលមើល ក៏មើលទៅ! អ្នកអត់ដឹង អត់ដឹង.. ធម្មតាគ្មានអ្នកណាបានដើរសព្វឲ្យចំកន្លែងតែម៉្រងនោះ ។ ណាមួយការផ្សាយតាមទូរទស្សន៍តម្លៃថ្លៃណាស់.. ផ្សាយច្រើនដង ពិតជាអស់ចំណេញបាត់ហើយ ។ គេឃើញលូតលាស់ខ្លាំងតែល្ខោនទូរទស្សន៍ ឬរឿងភាគហ្នឹងឯង ព្រោះមាន Sponsor ម៉ាគគោក ។ *មិនមានការថយចុះ* បែបសំដៅការផលិតភាពយន្តភាគទេដឹង កុនខ្នាត DV ដូចអត់ឃើញ..។ ក្រសួងអនុញ្ញាតរឿងថ្មី បែបគេមិនទាន់ Screen ទេដឹង ព្រោះកាលអាកាសមិនសមស្រប ។
○នេះគំនិតខ្ញុំទេ
សុំទោសអានដំបូងស្មានតែ សាលាបង្រៀនបើកបររថយន្ត… អាហ៊ី?!
មានដូចខ្ញុំបាទជាឧទាហរណ៍ស្រាប់ ក្នុងការគាំទ្រការលើកឡើងរបស់ណារដ្ឋ ដែលថាអ្នកខ្លះមិនដឹងថារោងកុននៅសុរិយាបញ្ចាំងរឿងថ្មី…
លោក កន្ថារ៉ា ហ្នឹង ដូចជាមានសុទិដ្ឋិនិយមខ្លាំងណាស់ន៎!… ខ្ញុំបន់ឲ្យតែពិតដូចវាចាទេ ហើយជូនពរឲ្យគម្រោងសហការណ៍ជាមួយកូរ៉េហ្នឹងចេញជារូបរាង ហើយមានលទ្ធផលល្អ…
កុនខ្មែរមិនមានការថយចុះទេ ប៉ុន្តែជិតបាត់រូបរាងហើយ នៅមិនដឹងខ្លួនទៀត ! តែទោះជាយ៉ាងណាក៏ដោយ ខ្ញុំសង្ឃឹមថាកុនខ្មែរនឹងមានការរីកចំរើនឡើងវិញក្នុងពេលដ៏ខ្លីខាងមុខនេះ !
សួស្ដី! នេះជាអាស៍យដ្ឋានកម្មវិធីកូនខ្មែរពិត
http://www.bunnarealty.com.kh
ខ្្ញុំចង់ប្រាប់ពីសាលាភាពយន្តនេះដែរ ប៉ុន្តែគួរឲ្យសោកស្តាយបែរជាអ្នកដឹងមុនខ្ញុំ
ទៅវិញ។
កុំភ្លេចផ្ញើលុយមកឲ្យបានឆាប់សម្រាប់ការបោះពុម្ពសៀវភៅ។
អរគុណហើយ… តែម៉េចក៏មកទារលុយខ្ញុំ កណ្តាលចំនោមគេឯងអ៊ីចឹង? ទំនើបពេកទៅ ដល់ថ្នាក់ទារលុយតាមអ៊ីនធើណេតហ្ន៎ ខ្មាសបងប្អូនវ៉ើតប្រែសដល់ហើយ!!!
បងចាន់ផលទេហ្អី? សំណាងហើយដែលគាត់ទារតែបងអាចម៍ផ្កាយ! បែបភ្លេចទារសៀវភៅពីរ៉េនណា…
បើសិនជាបងចិត្រា គឺប្រហែលជាចេញកំណាព្យមកហើយ…
យើងមានសាលាបង្រៀនហើយតា៎ ។ ខ្ញុំកំពុងតែរៀនណាជិតចូលឆ្នាំទីមួយហើយ..
Llimkokwing University of Creative Technology (www.limkokwing.edu.kh)
ទើបតែបើកណា…..
បែបច្រឡំហើយរស្មី! សាលាបង្រៀនភាពយន្តណា៎ មិនមែនយានយន្តទេ!..ហេហេ
ខ្ញុំថាសាលាបង្រៀន ភាពយន្តមិនមែនសាលាបង្រៀនយាន្តយន្តទេ បែបច្រឡំហើយ។ មុខវិជ្ជាខ្ញុំគឺ ភាពយន្ត និងទូរទស្សន៍ (Fiml and Television).
ពិតជាឡូយមែន RAsmey! អនាគតបបររុងរឿង…
អរគុណច្រើន Naraths ខ្ញុំក៏សង្ឃឹមចឹងដែរ។