នឹកមនុស្សម្នាក់ខុសដែរហ៎? ខែ មិថុនា 5, 2009
Posted by ផ្កាយNovels in ខ្ញុំគឺខ្ញុំ, ទស្សនៈសង្គម, រយពាន់យោបល់.trackback
ប្រាប់ខ្ញុំបានទេ… នរណាអាចហាមឃាត់ចិត្តដែលនឹកបាន? ការនឹករឮកពិតជាពិបាកធ្វើចិត្តណាស់ តើមែនទេ? ហាមឃាត់ចិត្តដែលកំពុងនឹកនរណាម្នាក់ គឺដូចជាធ្វើទារុណកម្មលើខ្លួនឯងអ៊ីចឹង! គឺវាចុកចាប់ណាស់ ហើយពិបាកទ្រាំបំផុត! ហាមចិត្តដែលនឹកគឺមិនខុសពីយកកាំបិតមកចាក់បេះដូងខ្លួនឯងទេ! នរណាមិនឈឺផ្សា??? នរណាមិនចុកចាប់!!!??? ហើយនរណាដែលមានបេះដូងដែក??? រូបអូនមែនទេ???
«នឹក!» ត្រឹមជាពាក្យខ្លីមួយម៉ាត់ពិតមែន តែធ្លាប់មាននរណាយកអ្វីមកវាស់វែងទំហំចិត្ត ដែលកំពុងនឹកនេះបានទេ? នឹកមានវិសាលភាពធំធេងណាស់! នឹកគ្មានទេព្រំដែនកំណត់!
កុំមកហាមចិត្តបងមិនឲ្យនឹក! កុំបង្ខំបេះដូងបងឲ្យឈប់ដើរ! បើអូនចង់ឃាត់បង អូនយកកាំបិតមកពុះទ្រូង ហើយកាត់ទងបេះដូងបងចេញទៅ នោះបងអាចនឹងឈប់នឹកបាន។ …តែថា រូបអូនផ្ទាល់ក៏នឹងត្រូវឈឺចុកចាប់ដែរ ព្រោះអ្វីដឹងទេ? ព្រោះនៅក្នុងបេះដូងបងមានរូបអូននៅក្នុងនោះ!
អូនមិនធ្លាប់នឹក អូនធ្វើម៉េចនឹងយល់? អូនធ្លាប់តែធ្វើឲ្យបងនឹកអូន តែអូនមិនធ្លាប់នឹកបងផង តើធ្វើម្តេចអូននឹងដឹងពីការឈឺចុកចាប់របស់បងបាន? អូនគិតថាងាយណាស់ហ៎ ក្នុងការបញ្ឈប់ចិត្តកុំឲ្យនឹកនរណាម្នាក់? …មិនងាយដូចអូនថានោះទេ ហើយក៏មិនស្រួលដូចអូនគិតនោះដែរ។ រឿងមនោសញ្ចេតនាមួយ នរណាអាចយកឈ្នះបាន? ចំពោះបង បងសុំដាក់ពាក្យចុះចាញ់ហើយ ព្រោះបើបងកាន់តែប្រយុទ្ធ ស្នាមរបួសរបស់បងនឹងកាន់តែរីកធំ!
នឹក ខុសដែរហ៎? បើគ្រាន់តែនឹកក៏ខុស ចុះអូនដែលធ្វើឲ្យបងនឹក មិនខុសទេអី?
នៅពេលអូនស្តាប់ចម្រៀងមួយបទនេះ អូននឹងយល់ ថាភាពឯកាដែលគ្មានអូននៅក្បែរ វាវេទនាប៉ុណ្ណា! អូននឹងបានឃើញរូបបងដើរកាត់ក្រោមតំណក់ទឹកភ្លៀងរបស់អូន …ព្រោះបងយល់ថាតំណក់ភ្លៀងជារូបអូនទើបបងមិនរកទីជ្រក។ អូននឹងឃើញបងនៅជាមួយ«ណាលី» ម៉ង់ៗតែពីរនាក់ ព្រោះមាន«ណាលី»នៅក្បែរទើបបងអាចរង់ចាំអូន ដល់ថ្ងៃមួយដែលយើងនឹងជួបគ្នា…
- ប្រាំពីរថ្ងៃដែលបងឯកា
ចូលមកដល់ប្លក់នេះភ្លាមភាយក្លិនផ្អែមៗមកហើយ… ព្រឺសម្បុរ…
ស្រមោចប្លក់បងផ្កាយឯងកាចៗដល់ហើយ…
ខាំឈឺៗ…
:p
ព្រោះហេតុផលហ្នឹងទេដឹង ទើបរ៉េនណាមិនដែលអើតប្លក់បង(អេ៎…ខុសទេដឹង? ប្អូនឬបង?) រ៉េនណាប្រាប់ថា ឲ្យតែចូលមកប្លក់នេះកាលណា គឺស្រមោចរោមកុំព្យូទ័រជានិច្ច!
តែបើពិនិត្យមើលៗទៅ មិនដឹងនរណាផ្អែមជាងនរណាទេ… បើរជ្ជនីបានអានមែលនិងមេសិចមួយចំនួនដែល គេផ្ញើមក ទើបដឹងថាផ្អែមកម្រិតណា? គឺផ្អែមរហូតគេថាបងឆ្កួត ព្រោះតែញញឹមអត់ឈប់នោះអី! ដើរ ដេក អង្គុយ ឬពេលរៀន ពេលញ៉ាំបាយគឺញញឹមរហូត… ព្រោះតែសម្តីអូនដឹងទេ?
ស្វីតណាស់ណ៎? ង៉ៃមុនមិនដឹងណាគេត្រូវគេស្ដីឲ្យទាំងយប់, រំខានដំណេក… អត់ដឹងទេហ្អី? ខ្ញុំទាំងទ្វេរគិតដេកជារឿងសំខាន់…
ស្នេហាត្រូវការដេកដែរហ៎? ទើបតែដឹង! និយាយលេងទេ…
ពេលមនុស្សមានទុក្ខ.. គួរណាស់តែជួយណែនាំ និងលើកទឹកចិត្ត មិនគួរមកបន្ទោសថែមនោះទេ!
ពេលខ្លះបងតេទៅលេខរជ្ជនី ព្រោះរ៉េនណាអត់ទទួល.. តែទោះតេម៉ាពាន់ដង ក៏គ្មានអ្នកណាលើកដែរ ព្រោះម្ចាស់ដេកត្រមក់ណាស់!! (រ៉េនណាប្រាប់ចឹង!) ហ៎ាស.. ហាហា!!
ប៉ាត់ធោ អើយ! យ៉ាប់អីក៏យ៉ាប់ម៉្លេះសត្វល្អិតហ៊ានអត់ទទួលទូរសព្ទ័ផង!
ខ្លាំងដៃណាស់តើ…
Yes, thanks.
I did not know ,coz no one tell me.
by the way. good luck na bong.
Don’t make her hurt.
bye.
thanks. again.
សុំទោសបងអត់ដឹង! ឥឡូវបើដឹងហើយ បងសុំជូនពរប្អូននៅទីនេះម្តងចុះ គឺសុំឲ្យប្រឡងជាប់ ហើយបានពិន្ទុខ្ពស់ណ៎ា!^^
ម៉េចនឹងប្អូនយល់ បើប្អូនមិនដែលអើតប្លក់បងផង! អ្នកដែលធ្វើឲ្យបងនឹកនោះ គឺបងស្រីរចនាហៅរ៉េនណារបស់ប្អូននោះហើយ! ដឹងអត់ថាបងទាំងពីរស្រឡាញ់គ្នា?
បងអត់ជូនពរប្អូនទេឬ?ប្អូនប្រលងឡើងទី១១ហើយណា៎បងប្រុសអត់សរសេរមកជូនពរប្អូនសោះ!ថ្ងៃនេះជាថ្ងៃទី១ចំពោះការប្រលងឡើងថ្នាក់របស់ប្អូន!
មិនដឹងជាស្អីទេបងសុទ្ធតែមានអ្នកធ្វើអោយបងនឹកទៀតន៎!
អានហើយមិនយល់សោះ!!!!!!!!
បើកំសត់វាយ៉ាងម៉េច? បងខ្លាចថា ខ្ញុំស្តាប់ហើយ ទៅលោតទឹកសម្លាប់ខ្លួនហ៎?
មិនដឹងថា បទនេះដូចគ្នានឹងបទ«ស្រឡាញ់អូនក៏ខុស»ឬទេ? ព្រោះរ៉េនណាទើបតែផ្ញើមកខ្ញុំ។
មិនបាច់ស្ដាប់ទេ បទកំសត់ណាស់… បារម្ភក៏ខុស បងខុសព្រោះស្រីមិនស្រលាញ់ ថាកំសត់ៗហើយ
មានបទនេះទេបង ឲ្យខ្ញុំសុំមក? ចង់ស្តាប់ណាស់! ឡូតនៅឯណាបាន?
“ បារម្ភពីអូនក៏បងខុស” ច្រៀងដោយ អាន វិសាល ផលិតកម្ម M វ៉ុល២ បទទី២
រឿងថ្មីមែនទេបង?
អូនមិនដឹង ឬធ្វើជាមិនដឹង? រឿងថ្មី! គឺរឿង«ស្នេហាអ្នកនិពន្ធ»។