អានរឿងហ្គេហ៍ថ្មី៖ «ថិរវេលា» ខែ តុលា 21, 2009
Posted by ផ្កាយNovels in រឿងខ្លី, រឿងហ្គេហ៍.trackback
ខ្ញុំធ្លាប់សន្យានឹងខ្លួនឯងថា នឹងឈប់សរសេររឿងហ្គេហ៍ទៀតហើយ តែការសន្យាដែលគ្មានសាក្សីឬគ្មានអ្នកទី២មកចូលរួម ខ្ញុំចូលចិត្តក្បត់សន្យានោះជានិច្ច។ មូលហេតុដែលធ្វើឲ្យខ្ញុំមិនចង់សរសេររឿងហ្គេហ៍ គឺដោយសារតែខ្ញុំមិនអាចទទួលយកបាននូវមតិមិត្តអ្នកអានមួយចំនួន ជាពិសេសមិត្តជិតស្និទ្ធរបស់ខ្ញុំ ហើយកាន់តែពិសេសទៀតគឺមនុស្សដែលខ្ញុំស្រឡាញ់។
ក្រោយពីគិតជាថ្មីថា អ្នកនិពន្ធមិនមែនដើរងាប់តែមួយក្រឡានោះទេ អ្នកនិពន្ធត្រូវចេះដើរឲ្យបានគ្រប់ក្រឡា គឺរសជាតិជីវិតមានប៉ុន្មានត្រូវភក្សឲ្យអស់។ ហេតុផលមួយទៀត គឺមានប្រិយមិត្តមួយចំនួនបានផ្ញើអ៊ីមែលមកខ្ញុំឲ្យសរសេររឿងហ្គេហ៍ឲ្យបានច្រើន ព្រោះគេចូលចិត្តប្រភេទរឿងហ្គេហ៍ដែលខ្ញុំសរសេរ(រកអានបានរឿង«សង្សារប្រុស»នៅទីនេះ)។ ម្យ៉ាងទៀត ខ្ញុំមានមិត្តម្នាក់ដែលចូលចិត្តសរសេររឿងហ្គេហ៍ផ្ញើមកឲ្យខ្ញុំជួយកែសម្រួលឲ្យ តែដប់ទាំងដប់ រឿងរបស់គេសុទ្ធតែរឿងព្រឺសម្បុរ ដូច្នេះខ្ញុំចង់ឲ្យគេរៀនសរសេររឿង ប្រភេទមនោសញ្ចេតនាធម្មតាៗដូចខ្ញុំម្តង។
រឿងហ្គេហ៍ថ្មីនេះ គឺជារឿងមួយដែលខ្ញុំប្រើសិល្ប៍វិធីនិពន្ធថ្មីសុទ្ធសាធ ហើយជាសិល្ប៍វិធីដែលខ្ញុំរកឃើញដោយខ្លួនឯង។ ខ្ញុំបានដាក់ឈ្មោះឲ្យសិល្ប៍វិធីថ្មីនេះថា «2 in 1» ជាសិល្ប៍វិធីមួយដែលប្រើអារម្មណ៍២ក្នុងរឿងតែមួយ។ ខ្ញុំមិនដឹងថា ខ្ញុំនឹកឃើញប្រើសិល្ប៍វិធីនេះដោយរបៀបណាទេ តែអាចដោយសារខ្ញុំមើលកុនបរទេសច្រើន ក៏ថាបាន។ នៅពេលលោកអ្នកអានរឿងនេះ លោកអ្នកនឹងដឹងថា សិល្ប៍វិធី«2 in 1» វាយ៉ាងម៉េច។
សូមរង់ចាំអានក្នុងពេលឆាប់ៗនេះ!!
ម៉េចមិនដាក់ឲ្យហើយ??
ខ្ញុំចាំមើលណា
រឿងញុំអត់មានហ្គេយ៍ធំៗទេ តែមានក្មេងៗស្នេហាគ្នា។
មានលឺគេថាប្លកខ្ញុំ FBI តាមរកទេ?
ចាប់អារម្មណ៍ សិល្ប៍វិធី «2 in 1» ដល់ហើយ! និយាយទៅខ្ញុំបានទៅ សួនសុបិន ចាប់អារម្មណ៍កុនកូរ៉េអត់និយាយដែលគេផុសដល់ហើយ ហើយចង់អានរឿងហ្កេហ៍គេដែរ តែដល់ឃើញគេមានលក្ខខណ្ឌថា អ្នកណាអានត្រូវតែដាក់កុំមិន ក៏លែងហ៊ានអាន ដោយខ្លាចរកស្អីសរសេរកុំមិនមិនឃើញ។ តែមិនអីទេ! ឥឡូវចាំអានរឿងហ្កេហ៍ប្រើសិល្ប៍វិធីថ្មី «2 in 1» នៅទីនេះតែម្ដងទៅ!