រតនៈអូសាគិ ស៊ូនឹងអច្ឆរិយាក.០០៥ បានឬទេ? ខែ វិច្ឆិកា 18, 2009
Posted by ផ្កាយNovels in ប្រលោមលោក, រឿងស៊ើបអង្កេត, អត្ថបទសាកល្បង.trackback
[សូមអភ័យទោស ចំពោះការដូរឈ្មោះតួអង្គពី រតនៈអូកាវ៉ា>រតនៈអូសាគិ ព្រោះអ្នកនិពន្ធយល់ថាពិរោះជាង ^^]
រតនៈអូសាគិ អាចប្រៀបមិនស្មើនឹងអច្ឆរិយាក.០០៥កំពូលបុរសចារកម្មរបស់លោកវង់ផឿងក៏ដោយចុះ តែបុរសខ្មែរកូនកាត់ជប៉ុនមួយនេះក៏មានសមត្ថភាពលើរឿងក្តីចារកម្មផ្សេងៗមិនធម្មតាដែរ។
រតនៈអូសាគិ មានរាងខ្ពស់ស្គមស្ទើរតែលង់ទ្រនេសទៅហើយ ដូច្នេះមិនចាំបាច់មានដើមទ្រូងស្រាលតែត្រគាកធ្ងន់ៗដូចអច្ឆរិយាក៏បាន។
បើនិយាយពីសមត្ថភាពដៃឯក ភ្នែកឥន្ទ្រី ជើងរន្ទះ បេះដូងថ្ម និងគំនិតប្រតិកម្មវិញនោះ រតនៈអូសាគិ អាចនឹងដាក់ពាក្យលើកទង់សសុំចុះចាញ់មុន ព្រោះសមត្ថភាពរបស់អច្ឆរិយាលឿននិងរហ័សដូចផ្លេកបន្ទោរ។
រតនៈអូសាគិសុខចិត្តប្រើជំហានគីង្គក់ ដំណើរអណ្តើក ជើងដង្កូវ និងភ្នែកមាន់ ក្នុងដំណើរការក្តីចារកម្មរបស់ខ្លួន តែសួរមកចុះបើរតនៈអូសាគិធ្លាប់ភ្លាត់ស្នៀតម្តង ព្រោះយុទ្ធវិធីទឹកត្រជាក់ត្រីកុំរបស់គេមានប្រយោជន៍ណាស់សម្រាប់គ្រប់រឿងក្តី។ នេះក៏ដោយសារគេជាចារបុរស ដែលមានបេះដូងជាទឹកកកព្រិលដែរ។
នរណាថាអច្ឆរិយាមិនធ្លាប់សុំទិដ្ឋាការ ឬលិខិតឆ្លងដែន ទៅលេងឋាននរកនោះ? នៅពេលនេះអច្ឆរិយាបានបាត់មុខពីពិភពចារកម្មទៅហើយ! ដូច្នេះនាទីនេះ ប្រហែលជាដល់ពេលដែលរតនៈអូសាគិ ចារជនកូនកាត់ខ្មែរ-ជប៉ុនបញ្ចេញស្នាដៃ ឲ្យពិភពលោកបានស្គាល់ម្តងហើយ។
សូមបញ្ជាក់ថាអច្ឆរិយាក.០០៥ ចុះចាញ់និងគោរពបុគ្គលតែម្នាក់គត់ គឺនាងកាមទេព០៧៧ តែរតនៈអូសាគិសូម្បីតែទេពធីតាមកពីឋានព្រះឥន្ទ្រ ក៏មិនអាចធ្វើឲ្យចារបុរសម្នាក់នេះញ័រក្បាលជង្គង់បានដែរ ព្រោះនារីរាប់ភ្លេចទៅហើយដែលគេធ្លាប់ឆ្លងកាត់ គឺយ៉ាងច្រើនបានត្រឹមដើរកាត់មុខ!!!
សូមស្វែងរកអានរឿង «ប្រស្នាឃាតកម្ម» នៅទីនេះ ដើម្បីជ្រាបថា រតនៈអូសាគិមានសមត្ថភាពប៉ុណ្ណាក្នុងពិភពចារកម្ម!!
អានអត្ថបទទាក់ទង៖ អច្ឆរិយាក.០០៥ជានរណា?
ផ្កាយNovels
ចុម !!! រឿងស្អីគេ? ខ្ញុំមើលអត់យល់!!! អូកាវ៉ា អូកាវែល អូសាវែលអី?
រតនៈ អូកាវ៉ា អាចស៊ូនិងអច្ឆរិយា រឺអត់នោះអត់ខ្វល់ទេ
តែចង់អោយ រតនៈ អូកាវ៉ា ចងមិត្តជាមួយ អនុសេនីយ៍ទោរ នុរាជ អ្នកបង្ក្រាប ឃាតកររបស់ខ្ញុំវិញ!
ដាក់រឿងអោយមើល ៣ ៤ ភាគហើយ ទើបផ្សាយតួរ
មែននឹង! ខ្ញុំមានពេលតិចណាស់ មិនទាន់បានអានផង ទើបតែឮការឃោសនា បានមានចិត្តចង់ឆ្លៀតមើល… លើកក្រោយឃោសនាឲ្យបានមុនរឿងចេញ ដឹងនៅអាចស្វាយ?