ជំនួបអ្នកនិពន្ធ Phnom Penh Noir លើកដំបូង

អ្នកនិពន្ធ Bangkok Noir ពេលសៀវភៅចេញផ្សាយ

ផ្កាយNoVeLs*– កាលពីរាត្រីថ្ងៃទី ០៣ ឧសភា កន្លងទៅនេះ មានការជួបជុំមួយនៅសណ្ឋាគារ Nine Hotel របស់អ្នកនិពន្ធសៀវភៅ Phnom Penh Noir ចំនួន០៦រូប ដោយក្នុងនោះមានអ្នកនិពន្ធខ្មែរមួយរូប គឺខ្ញុំនេះឯង 😀 ។

ការប្រជុំចាប់ផ្តើមនៅម៉ោង៧ ហើយបញ្ចប់ទៅវិញនៅម៉ោង៩ ដោយជាលទ្ធផលខ្ញុំឥតបានទទួលអ្វីសោះ!(ព្រោះដូចដឹកគោទៅមើលទូរទស្សន៍ ហុហុ 😦 )

ពិតជាការជួបជុំមួយដ៏រំភើបញាប់ញ័រ(បើមិនញ័រទើបជារឿងចម្លែក!) ព្រោះខ្ញុំប្រៀបដូចជាមនុស្សកំពុងវង្វេងផ្លូវនៅក្នុងព្រៃអាម៉ាហ្សូនអ៊ីចឹង គឺបើខ្ញុំសួរ ហើយគេឆ្លើយ ឬខ្ញុំនិយាយ គេស្តាប់ ទើបខ្ញុំដឹងថា យើងកំពុងពិភាក្សាគ្នាពីរឿងអ្វី។ តែបើក្រុមគេ(អ្នកនិពន្ធអាគាំង) និយាយគ្នាវិញ គឺចប់តែម្តង ព្រោះខ្ញុំបានតែញញឹមមួយមុខ! ហាសហាហា… 😛

សឹងតែធ្វើឲ្យខ្ញុំបាក់ស្បាតចំពោះការជួបជុំគ្នាលើកដំបូងនេះ តែម្នាក់ៗសុទ្ធតែលើកទឹកចិត្តខ្ញុំឲ្យផ្ញើរឿងជូនពួកគេ ព្រោះគេចង់បានសំឡេងអ្នកនិពន្ធខ្មែរនៅក្នុងសៀវភៅ Phnom Penh Noir នេះ។

បើប្រាប់ឲ្យសរសេររឿងថ្មី ខ្ញុំពិតជាគ្មានពេលសរសេរទាន់ទេ។ ដូច្នេះប្រិយមិត្តអ្នកអានដែលធ្លាប់តាមដានរឿងរបស់ខ្ញុំកន្លងមក តើខ្ញុំគួរផ្ញើរឿងមួយណាទៅចូលរួម ក្នុងប្រភេទរឿង ឃាតកម្ម?