Archive for the ‘ភាពយន្តឯកសារ’ Category
វីដេអូឯកសារ៖ វីរបុរស
Posted in ខ្ញុំគឺខ្ញុំ, ភាពយន្តឯកសារ, tagged វីរបុរស, Hero on ខែមករា 14, 2013| 5 Comments »
វីរបុរស៖ វីដេអូឯកសារស្នាដៃដំបូង
Posted in ខ្ញុំគឺខ្ញុំ, ភាពយន្តខ្មែរ, ភាពយន្ត, ភាពយន្តឯកសារ, tagged កងរាជអាវុធហត្ថកម្ពុជា, វីរបុរស, The Hero on ខែមករា 7, 2013| 8 Comments »
ផ្កាយNoVeLs*– វីរបុរស ឬ The Hero គឺជាស្នាដៃវីដេអូឯកសារដំបូងដែលខ្ញុំបានចេញថតក្នុងនាមជាអ្នកនិពន្ធ និង អ្នកដឹកនាំរឿង។ វីរបុរស និយាយពីវីរភាពដ៏អង់អាចរបស់កងរាជអាវុធហត្ថខ្មែរដែលបានបូជាកម្លាំងកាយចិត្តដើម្បីជាតិមាតុភូមិកម្ពុជារបស់យើង។
ខាងក្រោមគឺជា Voice Over នៅក្នុងវីដេអូ និង ទិដ្ឋភាពខ្លះៗនៅក្នុងពេលថត។ វីដេអូឯកសារនេះ បាន និង កំពុងយកទៅចាក់ផ្សាយនៅតាមបណ្តាខេត្តក្រុងចំនួន១២ ក្នុងកម្មវិធីប្រគុំតន្ត្រីសន្តិភាពប្រចាំឆ្នាំ ក្រោមជំនួយឧបត្ថម្ភពីស្ថានទូតអាមេរិក ដោយចាប់ផ្តើមពីថ្ងៃទី ០៥ មករា២០១៣ នេះតទៅ។
បន្ទាប់ពីកាត់ត និង ធ្វើ Subtitle រួច ខ្ញុំនឹងយកវីដេអូនេះ មកដាក់ផ្សាយជាបន្តនៅទីនេះ។
- Voice Over
យើងទាំងអស់គ្នា បូជាការពារបូរណភាពទឹកដី។
យើងតែងតែម៉ឺងម៉ាត់។
យើងហ្វឹកហាត់យ៉ាងខ្ជាប់ខ្ជួន។
យើងខិតខំព្យាយាម។
យើងគឺជាមនុស្ស យើងមានបេះដូង។
យើងប្តេជ្ញាការពារ។
យើងបម្រើប្រជាជន។
យើងរក្សាសន្តិភាពនៅក្នុងប្រទេសរបស់យើង…
ដោយមិនប្រកាន់សាសនា ពណ៌សម្បុរ និង និន្នាការនយោបាយ។
គឺយើងស្ថិតនៅទីនេះដើម្បីព្រះរាជាណាចក្រកម្ពុជា។
- ទិដ្ឋភាពខ្លះៗក្នុងពេលថត៖
Google Doodle : Valentine’s Day
Posted in នារី-Girl’s Talk, បុរស-Boy’s Talk, ភាពយន្ត, ភាពយន្តឯកសារ, រូបភាព-រូបថត, Love-ស្នេហា, tagged animation, google, Google Doodle, Valentine's Day on ខែកុម្ភៈ 14, 2012| Leave a Comment »
ផ្កាយNoVeLs*– ថ្ងៃនេះជាថ្ងៃវ៉ាលិនថាញ ខាង Google Doodle បាននាំយកតុក្កតាanimation មកបង្ហាញឲ្យគ្រប់គ្នាបានទស្សនាផង។ ចាំអីទៀត តោះនាំគ្នាមកមើលតុក្កតាថ្ងៃវ៉ាលិនថាញដ៏គួរឲ្យស្រឡាញ់នេះ!! 😉
»»» ទស្សនាវីដេអូនៅទីនេះ!! ^^
ខ្សែភាពយន្ត«Avatar2» នឹងនិយាយពីមហាសមុទ្រស្រមើស្រមៃដ៏មហស្ចារ្យ
Posted in ដំណឹងផ្សេងៗ, ភាពយន្ត, ភាពយន្តឯកសារ on ខែឧសភា 24, 2010| 5 Comments »
ឈុត មួយ ក្នុង រឿង Avatarដ៏ ល្បី ល្បាញ
នៅក្នុងភាគពីរនៃមហារឿង«Avatar» នឹងនាំទស្សនិកជនចូលទៅទស្សនាតំបន់ចម្លែកៗនៅលើពិភពផែនដូរ៉ា(Pendora) នេះគឺជាការបង្ហើបឲ្យដឹងពីអ្នកដឹកនាំរឿងដ៏ល្បីល្បាញរបស់ហូលីវូដ លោក ជេម ខេមីរូន។
លោកជេម អ្នកដឹកនាំរឿង«Avatar» បានផ្តល់បទសម្ភាសន៍ដល់LA Times ថា«ភាគពីរនៃខ្សែរឿងនេះនឹងបង្កើតឡើងនូវបរិយាកាសនៃទិដ្ឋភាពដែលខុសគ្នាទាំងស្រុងនៅលើភពផែនដូរ៉ា។ ខ្ញុំនឹងប្រមូលសាច់រឿងនេះឲ្យនៅក្នុងតំបន់សមុទ្រនៃពិភពមួយនេះ(មានភាពសម្បូរទ្រព្យ សម្បូរបែប ប្លែក និងពេញដោយការស្រមើស្រមៃ) ហើយវាមិនបំព្រួញខ្លួននៅត្រឹមព្រៃភ្លៀងនោះទេ។»
អ្នកដឹកនាំរឿងដ៏ល្បីល្បាញរូបនេះនិយាយទៀតថា ប្រព័ន្ធនៃពិភពដែលលោកបានបង្កើតនៅក្នុងរឿងមុន បានជួយឲ្យលោកមាន
លោក ជេម ខេមីរូន អ្នក ដឹក នាំរឿង «Avatar»
ជម្រើសច្រើនសម្រាប់ភាគបន្តបន្ទាប់។ លោកជេមនិយាយថា «យើងបានបង្កើតគ្រឹះបរិស្ថានដ៏ធំទូលាយនៅក្នុងសាច់រឿង មិនត្រឹមតែនៅលើភពផែនដូរ៉ាប៉ុណ្ណោះទេ តែវាអាចរត់តាមបណ្តោយប្រព័ន្ធផ្កាយគូAlpha Centanri AB ទៀតផង។ យើងនឹងបើកទូលាយទៅតាមប្រព័ន្ធហើយនឹងបង្កើតភាពរួមផ្សំឲ្យកាន់តែហ្មត់ចត់ថែមទៀតនៅក្នុងសាច់រឿង ដែលនេះមិនត្រឹមតែនៅក្នុងភាគពីរនេះទេ តែអាចនឹងឈានដល់ភាគបីផងដែរ។»
លោកជេមសង្ឃឹមថាភាគពីរនឹងធ្វើការលឿនជាងភាគមួយ តែវានឹងលំបាកព្រោះថាយើងនឹងកាត់បន្ថយរយៈពេលនិងប្រាក់ចំណាយពាក់កណ្តាលបើធៀបនឹងភាគមួយ។ ជេមនិយាយថា «នេះជាទិសដៅដែលហាក់ដូចមិនអាចទៅរួច តែបើកាត់បន្ថយបាន២៥%ក្នុងគម្រោងទាំងពីរនេះ វាជាប្រការអស្ចារ្យណាស់។ យើងទាំងអស់គ្នាសុទ្ធតែដឹងច្បាស់ពីវិធីធ្វើការរបស់ខ្លួន។»
ប្រភព៖ ទស្សនាវដ្តីប្រជាប្រិយលេខ៤៩២ ច្បាប់ចេញផ្សាយ ថ្ងៃទី១១-២០ឧសភា ២០១០
same same BUT DIFFERENT
Posted in ដំណឹងផ្សេងៗ, ភាពយន្ត, ភាពយន្តឯកសារ on ខែឧសភា 3, 2010| 39 Comments »
ប៉ុស្ទ័ររឿង Same Same But Different
ភាពយន្តរឿង Same Same But Different គឺជាភាពយន្តមួយរបស់អាឡឺម៉ង់ដែលថតចេញពីជីវិតពិតរបស់នារីរកស៊ីផ្លូវភេទខ្មែរម្នាក់ឈ្មោះ«ស្រីកែវ» បានជួបគ្នាជាមួយកំលោះអ្នកទេសចរជនជាតិអាឡឺម៉ង់ឈ្មោះ «បេន»។ មិននឹកស្មានថាការជួបគ្នាតែមួយយប់របស់អ្នកទាំងពីរ បានធ្វើឲ្យពន្លកស្នេហ៍អមតៈមួយកើតឡើង រហូតត្រូវបានផលិតជាខ្សែភាពយន្តរ៉ូមែនទិកដ៏រំជើបរំជួលមួយនេះ។
ក្រោយពីជួយ «ស្រីកែវ» និងក្រុមគ្រួសារឲ្យរួចផុតពីភាពក្រលំបាក «បេន»បានត្រលប់ទៅប្រទេសអាឡឺម៉ង់វិញ។ តែពេលទៅដល់ «ស្រីកែវ» ក៏ប្រាប់ «បេន» តាមឈែតអនឡាញថា ខ្លួននាងមានផ្ទុកមេរោគអេដស៍ និង បានបញ្ចប់ប្រយោគចុងក្រោយយ៉ាងគ្រាំគ្រាចិត្តថា «សូមឲ្យយើងបាននិយាយគ្នាក្នុងគ្រានេះជាលើកចុងក្រោយចុះ…»
បន្ទាប់ពីនោះ«ស្រីកែវ»ក៏បាត់ដំណឹងសូន្យឈឹង តែសម្រាប់«បេន» ដំណឹងដ៏អាណោចអាធ័មនោះមិនបានធ្វើឲ្យគេភ័យខ្លាច ឬស្អប់ខ្ពើម «ស្រីកែវ» នោះទេ ផ្ទុយទៅវិញគេមានតែស្រលាញ់និងអាណិតនាងកាន់តែទ្វេឡើង។ ទីបំផុត «បេន» ក៏សម្រេចចិត្តត្រលប់មកប្រទេសកម្ពុជាវិញ ដើម្បីតាមស្វែងរកនាង។ ក្រោយពីតាមរកឃើញ «បេន»ក៏នាំនាងត្រលប់ទៅជួបក្រុមគ្រួសារ នៅប្រទេសអាឡឺម៉ង់ ហើយព្យាយាមស្វែងរកគ្រប់វិធីដើម្បីជួយសង្គ្រោះសង្សារ ឲ្យរួចផុតពីជំងឺកាចសាហាវ។
គួររំឭកដែលថា មិនដឹងហេតុផលអ្វីបានជាតួឯកស្រីក្នុងរឿង(ស្រីកែវ) បែរជាត្រូវសម្តែងដោយតារាថៃទៅវិញ។ បើថាខ្មែរខ្វះតារាសម្តែងក៏មិនត្រូវ ឬអាចមកពីតារាខ្មែរសម្តែងមិនល្អ? គ្មានចំណេះដឹង? និយាយអង់គ្លេសមិនកើត? មិនដឹងដែរ… តារាខ្មែរខ្លួនឯងគួរតែគិតមើលទៅ! ខ្លះបានធ្វើតារាភ្លាមក៏បោះបង់ចោលការសិក្សាភ្លែត មិនចេះមើលប្រទេសជិតខាងសោះ តារាគេសុទ្ធតែចប់បណ្ឌិត អនុបណ្ឌិតមកពីបរទេស សូម្បីតែAlexentra របស់លាវក៏ទើបតែចប់អនុបណ្ឌិតមកពីជប៉ុនដូចគ្នា។ តារាប្រទេសគេមិនមែនប្រើតែសម្រស់មួយមុខ ដើម្បីទាក់ទាញភាពល្បីល្បាញនោះទេ តែគេត្រូវការចំណេះដឹងផ្ទាល់ខ្លួនដែរ ទើបភាពល្បីល្បាញនោះវាគង់វង្ស មិនសាបសូន្យ និងអាចសាយភាយដល់បរទេសបាន។
តួឯកប្រុសនិងតួឯកស្រីក្នុងរឿងៈ ដេវីត ខ្រូស(David Kross) និង អៈភិនយ៉ា សៈកុនចារើនសុខ(อภิญญา สกุลเจริญสุข) ក្នុងពិធីបើកសម្ពោធន៍ដាក់បញ្ចាំងភាពយន្តនៅភ្នំពេញកាលពីខែធ្នូ២០០៩
ស្រីកែវ និង ស្វាមីពិត(បេន) ព្រមទាំងកូនៗទៅចូលរួមក្នុងពិធី
«ស្រីកែវតួពិត» ជួបជាមួយ «ស្រីកែវក្នុងរឿង»
ឆាកមួយនៅក្នុងរឿង
»»» ទស្សនាភាពយន្តTrailer ៖
»»» វ៉ិបសាយភាពយន្ត ៖ www.samesame-themovie.com
បទចម្រៀងខ្មែរក្នុងភាពយន្តថៃ
Posted in សៀម-ថៃ, បទចម្រៀង, ភាពយន្ត, ភាពយន្តឯកសារ on ខែមីនា 4, 2010| 4 Comments »
เฉือน ភាពយន្តថៃដែលប្រើបទចម្រៀងខ្មែរក្នុងខ្សែភាពយន្ត
เฉือน ដែលមានន័យជាភាសាខ្មែរថា «ពន្លះ ឬ ច្រៀក» គឺជាឈ្មោះភាពយន្តប្រភេទភ័យរន្ធត់មួយរបស់ថៃដែលផលិតក្នុងឆ្នាំ២០០៩។ ដំណើររឿងនិយាយពីហេតុការណ៍ នៃឃាតកម្មសម្លាប់មនុស្សដែលកើតឡើងជាបន្តបន្ទាប់គ្នា តែប៉ូលីសមិនអាចវែកមុខឃាតករឃើញសោះ។ ឃាតករប្រើវិធីតែម្យ៉ាងក្នុងការសម្លាប់ គឺច្រៀកសាច់មួយដុំខាងក្រោមផ្ចិតរបស់បុរស ហើយចាប់ញាត់សាកសពចូលទៅក្នុងវ៉ាលីក្រហម។
តាមព្រឹត្តិការណ៍នៅក្នុងសាច់រឿង ប្រហែលជាគេចង់បង្ហាញពីហេតុការណ៍ដែលកើតឡើងនៅក្នុងពេលបច្ចុប្បន្ននេះ តែមិនច្បាស់ថានៅក្នុងឆ្នាំណាឬរយៈពេលណាឲ្យប្រាកដទេ។ តែមានឆាកមួយពេលតួអង្គឯកស្រមៃនឹកឃើញដល់វ័យកុមារដែលខ្លួននិងមិត្តភក្តិម្នាក់ទៀត នាំគ្នារត់ចេញពីស្រុកមករស់នៅក្នុងក្រុងបាងកក ខ្ញុំជឿថាហេតុការណ៍នោះប្រហែលជាស្ថិតនៅក្នុង អំឡុងទសវត្សទី៦០-70 ដែលជាសម័យសង្គមរាស្ត្រនិយមរបស់ខ្មែរយើង។ ខ្ញុំជឿថាដូច្នោះព្រោះពេលមកដល់ឈុតនេះ គេបានថតយកទិដ្ឋភាពពេលយប់នៅក្នុងបាងកក ដែលមានបារ រង្គសាល បៀរហ្គាដិនចាំងភ្លើងជះភ្លឹបភ្លែតៗជាមួយចង្វាក់ភ្លេងញ័រកន្ត្រាក់អារម្មណ៍។
ហើយជឿទេ ថាខ្ញុំស្តាប់ភ្លេងនោះជិតដល់ពាក់កណ្តាលបទ ទើបដឹងថាជាភ្លេងខ្មែរ… ហាសហា… គួរឲ្យចង់សើចខ្លួនឯងមែនទែន! ព្រោះពេលស្តាប់ដំបូងខ្ញុំអត់បានចាប់អារម្មណ៍សោះ ដោយគិតថាប្រហែលជា មិត្តភក្តិនៅបន្ទប់ជិតខាងចាក់ចម្រៀងស្តាប់ដែរ និងមិនគិតថាជាភ្លេងដែលចេញពីភាពយន្តដែលខ្លួនកំពុងមើល…
ដែលខ្ញុំស្តាប់ឮច្បាស់ៗពាក្យបំផុតនោះគឺមានតែប៉ុន្មានម៉ាត់នេះទេ «ចូលឆ្នាំថ្មី ពេញវ័យក្រមុំ ប្រុសៗចោមរោមសុំស្នេហ៍…» ហើយសំឡេងច្រៀងក៏បាត់ទៅបន្តិចម្តងៗ នៅសល់តែចង្វាក់ភ្លេង ប៉ុណ្ណោះដែលនៅឮខ្លាំងធម្មតា(ព្រោះតួអង្គក្នុងរឿងចាប់ផ្តើមនិយាយគ្នា) តែបើខំផ្ទៀងត្រជាក់ស្តាប់បន្តនឹងបានឮសំឡេងច្រៀងនោះដដែល។
តាមការសាកសួរពី បងប្រុសម្នាក់ដែលចូលចិត្តវិស័យចម្រៀង ពិសេសចម្រៀងសម័យចាស់ៗ ខ្ញុំក៏បានដឹងព័ត៌មានលម្អិតអំពីបទនេះ។ គឺបទនេះមានចំណងថា «ឆ្នាំថ្មីវ័យក្រមុំ» ច្រៀងដោយអ្នកនាងរស់ សេរីសុទ្ធា ចង្វាក់ឆាចឆាចឆា និពន្ធដោយលោក វោយ ហូរ សម្រួលតន្ត្រីដោយលោក ហាស់ សាឡន។
ហ៊ឺមមមម… ខ្ញុំគិតថា អ្នកដឹកនាំរឿងរបស់ថៃរូបនោះ ពិតជាគិតបានល្អិតល្អន់មែនទែន ព្រោះដឹងតាំងពីថា សង្គមបារបៀររង្គសាលក្នុងប្រទេសថៃសម័យនោះ និយមយកបទចម្រៀងខ្មែរទៅចាក់កំសាន្តលេង។ ខ្ញុំជឿថានេះជាការពិត ព្រោះក៏ធ្លាប់ឮដូចគ្នា ថាជំនាន់លោកស៊ិនស៊ីសាមុតនិងអ្នកនាងរស់សេរីសុទ្ធានៅ(គឺក្នុងសម័យសង្គមរាស្ត្រនិយមនោះឯង) ថៃចូលចិត្តស្តាប់ភ្លេងខ្មែរ ឬយកចម្រៀងខ្មែរទៅច្រៀងលេង។
រឿង«មហិច្ឆតា» ភាពយន្តខ្មែរដែលថៃប្រែយកទៅ
មានរឿងមួយទៀត ដែលខ្ញុំចង់យកមកផ្សាយយូរហើយ តែចេះតែគ្មានឱកាស! គឺក្នុងរយៈពេលដែលខ្សែភាពយន្តខ្មែរយើងបានងើបឡើងវិញ ក្នុងពេលប៉ុន្មានឆ្នាំមុននោះ ថៃក៏ចូលចិត្តយករឿងខ្មែរយើងទៅប្រែបញ្ចូលសំឡេងជាភាសាគេដើម្បីលក់ដែរ។ ដូចមានរឿង «មហិច្ឆតា» មួយជាឧទាហរណ៍ ដែលរឿងនេះថៃបានប្រែចំណងជើងដាក់ថា «គំនុំចងអាឃាតនាងខ្មោចពស់» ហើយសុទ្ធតែសរសើរថាជារឿងអស្ចារ្យមហារន្ធត់ ប្រើបច្ចេកទេសថតទាន់សម័យទៀតផង។ តែការពិតនោះគ្មានទេ ព្រោះនេះគ្រាន់តែជាការឃោសនា ដើម្បីលក់ឌីសដាច់ប៉ុណ្ណោះ។
គួរឲ្យសោកស្តាយ ដែលឌីសរឿងនេះមានគេខ្ចីហើយក៏ទុំបាត់ទៅ… ស្តាយព្រោះខំអង្វរទិញពីហាងគេទម្រាំបាន ហើយបានក្នុងតម្លៃថ្លៃខុសពីធម្មតាទៀត ព្រោះរឿងនេះនៅសល់តែមួយ ហើយគេទុកសម្រាប់តែជួលប៉ុណ្ណោះ។ កាលនោះទើបតែស្កែនប៉ុស្ត័រឌីសរួច គិតបម្រុងនឹងបំលែងហើយអាប់ឡូតក្នុងយូធូបហើយ(ព្រោះគិតថាពិសេសដែលមានរឿងខ្មែរប្រែថៃ) តែក៏ត្រូវគេមកខ្ចីយកទៅបាត់ទៅហើយក៏បាត់រហូតមកទល់ថ្ងៃនេះ។ ថ្ងៃក្រោយមកខ្ចីឌីសខ្ញុំ ខ្ញុំមិនឲ្យ… កុំថាខ្ញុំចិត្តអាក្រក់ណា៎! 👿
មហាអាណាចក្រខ្មែរ
Posted in ចំណេះដឹងទូទៅ, ប្រវត្តិសាស្ត, ភាពយន្តឯកសារ on ខែសីហា 28, 2007| 7 Comments »
នេះគឺជាភាពយន្តឯកសារមួយដែលបង្ហាញពីប្រវត្តិនៃមហាអាណាចក្រខ្មែរ
ដែលផ្សំឡើង៣ដំណាក់កាលធំៗគឺៈ
១.សម័យអាណាចក្រភ្នំ
២.សម័យចេនឡា
៣.សម័យអង្គរ។
ខ្ញុំដឹងនិងជឿជាក់ថា មានប្រិយមិត្តជាច្រើនពិតជាធ្លាប់បានទស្សនាភាពយន្ត
ឯកសារនេះរួចហើយតាមរយៈពិព័រណ៍វប្បធម៌អន្តរជាតិអង្គរ-ឃ្យុងយូ ឬក៏តាម
រយៈវ៉ិបសាយដទៃទៀត។ តែទោះជាយ៉ាងនេះក្តី ក៏ខ្ញុំសូមធ្វើការផ្សាយឡើងវិញ
ដើម្បីទុកជាឯកសារ និងសម្រាប់ប្រិយមិត្តមួយចំនួនដែលពុំទាន់បានទស្សនានៅ
ឡើយ។ សូមអញ្ជើញទស្សនាដោយមេត្រី!
វគ្គ១
វគ្គ២(ចប់)
លាហើយស្រុកខ្មែរ…
Posted in ចម្រៀងខ្មែរ, បទចម្រៀង, ភាពយន្ត, ភាពយន្តឯកសារ on ខែសីហា 8, 2007| 6 Comments »
«យន្តហោះឆ្ពោះទៅលើវេហាស៍ស្ងាត់បាត់សូន្យ បញ្ជាក់ប្រាប់ថា
ខ្ញុំត្រូវឃ្លាតឆ្ងាយបងប្អូន លោកប៉ានៅខាងក្រោមខំប្រឹងស្រែកហៅ
ឈ្មោះកូន កូនត្រូវតស៊ូ…
យន្តហោះឆ្ពោះទៅលើវេហាស៍ស្ងាត់បាត់សូន្យ បញ្ជាក់ប្រាប់ថា
ខ្ញុំត្រូវឃ្លាតឆ្ងាយបងប្អូន ទឹកដីកម្ពុជាពេលនេះខ្ញុំSay Goodbye
Goodbye Srok Khmer…»
«លាហើយស្រុកខ្មែរឬ Goodbye Srok Khmer»គឺជាបទចម្រៀងមួយបទ
ដែលសឹងតែមិនអាចទប់ទឹកភ្នែកបាននៅពេលដែលស្តាប់ហើយ ពិសេសសម្រាប់
អ្នកដែលឃ្លាតចាកមាតុប្រទេសជាទីស្នេហារបស់ខ្លួន។
មុនដំបូង ខ្ញុំមិនបានចាប់អារម្មណ៍សោះឡើយ លុះពេលបានស្តាប់ហើយខ្ញុំក៏
អួលដើមកស្រក់ទឹកភ្នែកដោយមិនដឹងខ្លួន។ ខ្ញុំគិតថាវាមិនមែនជាភាពទន់ជ្រាយ
ទេ ការដែលយើងស្រក់ទឹកភ្នែកព្រោះតែឃ្លាតចាកស្រុកកំណើត ឃ្លាតចាកឪពុក
ម្តាយ បងប្អូន និងមិត្តភ័ក្តិជាទីស្រលាញ់នោះ តែវាគឺជាមនោសញ្ចេតនាមួយដ៏
ជ្រាលជ្រៅដែលមនុស្សម្នាក់ៗតែងមានគ្រប់ៗគ្នា។
ខាងក្រោមនេះ គឺជាអារម្ភបទរបស់ម្ចាស់បទចម្រៀងផ្ទាល់ ដែលសរសេរជា
ភាសាអង់គ្លេស បង្ហាញពីអារម្មណ៍របស់ខ្លួន ពេលឃ្លាតចាកប្រទេសកំណើត…
«October 12, 2003
It was the first time and the thaughest time in my life that I had to leave my home land and most of my families to u.s. and to seek for
a better life. Just like many other Cambodians whohad done before, or maybe they will be after, I know and they know how it feels like
on the last day at the airport. Nothing else I could say beside trying
to look a way from those sad face and trying to talk a deep breath
each time. I couldn’t even speak a word because everytime I tried
to talk, tears would come out at the same time…»
“Could Barely Speak,
Could Barely Breath, But
Everyone Cried Out Loud.”
សូមទស្សនាតាមមនោសញ្ចេតនារបស់លោកអ្នកដោយមេត្រី!!!
ថៃ,ខ្មែរ,ឡាវ,វៀតណាម ដោយខារ៉ាបាវ(Carabao)
Posted in សៀម-ថៃ, ចម្រៀងថៃ, បទចម្រៀង, ភាពយន្ត, ភាពយន្តឯកសារ on ខែសីហា 8, 2007| 8 Comments »
នេះគឺជាបទចម្រៀងមួយបទ ដែលបង្ហាញពីសម្ព័នភាពរវាងខ្មែរ ថៃ
ឡាវនិងវៀតណាមដែលផលិតឡើងដោយខារ៉ាបាវ(ភេសជ្ជៈខារ៉ាបាវ?)។
រូបភាពក្នុងវីដេអូនេះបានបង្ហាញពីទង់ជាតិគ្រប់ប្រទេសទាំងបួន ប៉ុន្តែអ្វី
ដែលប្លែកនិងគួរឲ្យចាប់អារម្មណ៍នោះគឺទង់ជាតិប្រទេសវៀតណាម
(ក្នុងបទចម្រៀងហៅតែយួនៗ!) បែរជាប្លែកខុសពីទង់ជាតិដែលប្រើសព្វថ្ងៃ
ទៅវិញ(ឬមួយគេប្រើទង់ជាតិពីរតែខ្ញុំមិនដឹង?) ហើយម្យ៉ាងទៀតទស្សនីយភាព
ក្នុងបទចម្រៀងនេះបង្ហាញតែពីប្រទេសខ្មែសុទ្ធសាធ។ចំពោះប្រទេសបីផ្សេង
ទៀតគេបង្ហាញតែទង់ជាតិប៉ុណ្ណោះ។
សូមអញ្ជើញទស្សនាដោយមេត្រី!!!
-
កម្ពុជា-CAMBODIA
-
អ្នកនិពន្ធវ័យក្មេង on Facebook
Online Visitors
Hit Counter
- 755,384 នាក់
កំលោះម្ទេសខ្មាំង ប៉ះកញ្ញាខ្ទឹមបារាំង
វិញ្ញាណគ្មានរូប
Recent Comments
ចេញលក់ហើយ!!!
![BF-COVER[fore]](https://i0.wp.com/farm5.static.flickr.com/4152/5171678714_f6f9c6bbf1_m.jpg)
-
Recent Posts
- កំណត់ហេតុអ្នកនិពន្ធអំពី រឿង “ចោរ” ក្នុងសៀវភៅ “ច្យុតិ”
- រឿង “ខ្មោចចូល” ភ័យឡើងហត់ រន្ធត់ឡើងបែកញើស ៨/១០
- បើខ្ញុំគឺខ្ញុំ ហេតុអ្វីខ្ញុំចាំបាច់ត្រូវប្រាប់អ្នកដទៃថា ខ្ញុំជាអ្នកណា?
- ការចាកចេញដែលគ្មានថ្ងៃត្រឡប់…
- Book Review: Taxi ខ្មោច ពីអ្នកនិពន្ធ ទ្រីសម្ផស្ស
- ព្រោះខ្ញុំគឺខ្ញុំ…
- បើអាចបង្វិលពេលវេលាបាន… សុំកុំឱ្យយើងស្គាល់គ្នា បានទេ?
- Book Review: រឿង ទេពច្យុតក្លែងក្លាយ របស់អ្នកនិពន្ធ ធឿន វុទ្ធី
- ចង់ចាកចេញពីទីនេះ…
- ការរើសអើងភេទ និងវិសមភាពយេនឌ័រក្នុងរឿង “Kim Ji-young, Born 1982”
Available Now!!!
តុក្កតាប្រឡាក់ឈាម
Top Posts
វិញ្ញាណស្នេហ៍កម្ម
មរណភាពនៅអារញ្ញ
Top Clicks
ចេញលក់ហើយ!!!
![Valentine[fore]](https://i0.wp.com/farm8.staticflickr.com/7156/6651048413_fda1817ea2_m.jpg)
Archives
Categories
- កំណត់ហេតុ
- ខ្ញុំគឺខ្ញុំ
- ចំណេះដឹងទូទៅ
- ដំណឹងផ្សេងៗ
- ដំណើរកម្សាន្ត
- ទស្សនៈសង្គម
- ទឹកខ្មៅកវី
- នារី-Girl’s Talk
- បទចម្រៀង
- បុរស-Boy’s Talk
- ប្រលោមលោក
- ភាពយន្ត
- ភាសា អក្សរសាស្រ្ត
- មិត្តគឺខ្ញុំ
- រយពាន់យោបល់
- រសជាតិកាហ្វេ
- រូបភាព-រូបថត
- រៀនថតរូប
- រៀនធ្វើកុន
- រៀននិពន្ធរឿង
- លិខិតមិត្តអ្នកអាន
- វិភាគរឿងកុន
- វិភាគសៀវភៅ-Book Review
- សៀវភៅផ្សេងៗ
- សៀវភៅល្អៗ
- សេណារីយោ(នាដកថា)
- សំបុត្រ
- អក្សរសិល្ប៍
- អាស៊ាន
- អាហារខ្មែរ-បរទេស
- អ្នកនិពន្ធ
- Blogroll
- Love-ស្នេហា
រឿង ក្របមរណៈ
-
C Write រឿងប្រឌិត និងកំណាព្យ- វិទ្យុអាស៊ីសេរី
- ពលរដ្ឋនៅពោធិ៍សាត់៣០០នាក់រកអន្តរាគមន៍ដោះលែងមនុស្ស៣០នាក់
- សាលាក្ដីខ្មែរក្រហមប្ដូរពីការស្ដាប់សក្ខីកម្មអ្នកជំនាញមកស្ដាប់មតិភាគី
- សង្គមស៊ីវិល៖ ក្រុមហ៊ុនឯកជនមានអំណាចលើប្រព័ន្ធតុលាការ
- កម្មករកាត់ដេរប្រមាណ៧០០នាក់មិនទាន់បើកប្រាក់ឈ្នួលខែមករា
- អង្គការ៤គ្រោងធ្វើសិក្ខាសាលាស្ដីអំពីហិរញ្ញវត្ថុនយោបាយ
- សាលាឧទ្ធរណ៍គ្រោងបើកសវនាការរឿងលោក ម៉ម សូណង់ដូ នៅថ្ងៃ៥ មីនា
- ភាពទាល់ច្រកនៃការបញ្ចប់ជម្លោះព្រំដែនកម្ពុជា-ថៃនៅតំបន់ប្រាសាទព្រះវិហារ
- ទស្សនៈមេធាវីចំពោះតម្រូវការសុំច្បាប់អនុញ្ញាតមុនផ្សព្វផ្សាយច្បាប់
- សមត្ថកិច្ចខេត្តសៀមរាបចាប់ខ្លួនអ្នកប្រើឧបករណ៍នេសាទខុសច្បាប់ជាង៦០នាក់
- អាជ្ញាធរខណ្ឌសែនសុខរងការចោទថារើសអើងក្នុងការឃាត់រថយន្តតាក់ស៊ី
- វិទ្យុបារាំងអន្តរជាតិជាខេមរភាសា
- ដំរីពីឡាវ៖ ហ្មដំរីខ្មែរម្នាក់ ប្តេជ្ញាមើលថែដំរីមួយគូឱ្យល្អដើម្បីទាក់ទាញភ្ញៀវទេសចរ
- តើការបើកថ្នាក់អក្សរផ្ចង់ចិននៅកម្ពុជាឆ្លុះបញ្ចាំងយ៉ាងណាពីឥទ្ធិពលចិន?
- ពលករខ្មែរ២៤នាក់ទៀត ដែលរងការរំលោភសិទ្ធិធ្ងន់ធ្ងរនៅអារ៉ាប៊ីសាអូឌីតត្រូវបានបញ្ជូនមកវិញ
- លោក ហ៊ី គឹមហុង ត្រូវបានដកងារជា«អ្នកឧកញ៉ា» ខណៈ លោក ទ្រី ភាព ឡើងងារជា«លោកអ្នកឧកញ៉ា»
- កម្ពុជាគួរបើកសមយុទ្ធយោធាជាមួយប្រទេសផ្សេងទៀតដើម្បីរក្សាភាពអព្យាក្រឹត
- អង្គការតម្លាភាពអូស្ត្រាលី៖ការលាងលុយកខ្វក់ពីកម្ពុជាទៅអូស្ត្រាលីមានជិត២ពាន់លានដុល្លារ
- កម្ពុជា-អាមេរិកប្តេជ្ញាប្រយុទ្ធប្រឆាំងការជួញដូរមនុស្សនៅកម្ពុជា
- ករណីរត់ការចូលក្របខណ្ឌ៖ តុលាការឃុំខ្លួនគ្រូបង្រៀន២នាក់ និងមន្ត្រី១នាក់
- តំបន់ឆ្នុកទ្រូ៖ ទិន្នផលនេសាទធ្លាក់ចុះខ្លាំង តែតម្លៃត្រីកើនឡើង
- អ្នកនាំពាក្យក្រសួងយុត្តិធម៌៖ពាក្យ“ថោ្កលទោស”របស់បក្សកម្លាំងជាតិចំពោះច្បាប់ ជារឿងមិនត្រឹមត្រូវ
- កាសែតភ្នំពេញប៉ុស្តិ៍ជាភាសាខ្មែរ
- មួយកំហុស បានកើតមាន, បំរែបំរួល អាចខូច។ ព្យាយាមឡើងវិញ ពេលក្រោយ។
Everyday Pictures
Visitors’ Locations
-
អ្នកនិពន្ធវ័យក្មេង 